Ŝablono de duparta ŝvitpantalono
Vidu la afiŝon ”Bazŝablono de unupeca ŝvitpantalono”
Similecoj kaj diferencoj inter la unupartan kaj dupartan ŝvitpantalonan ŝablonojn
Similecoj
Ambaŭ ŝablonoj dividas la samajn bazmezurojn, la samajn ludojn kaj, ĝenerale, la samajn konfekciajn materialojn.
La alĝustigo de la talio, kaj ĉe la unupartaj kaj ĉe la dupartaj pantalonoj, fariĝas per elasta bendo kaj/aŭ ŝnureto.
Pro tio, rilate al la mezurpreno, la kalkulo de la ludo kaj ĝia konduto ĉe la talio, ni referencas al ĉio klarigita en la antaŭa afiŝo.
Kvankam la duparta ŝvitpantalono permesas pli bone strukturi la kruron, ĝi restas malproksima de la strukturo de tajlora pantalona ŝablono, eĉ se ĝi povas ŝajni simila je unua rigardo.
Diferencoj
La ĉefa diferenco inter la du ŝablonoj troviĝas en la pozicio de la rekta fadenlinio.
En la unuparta ŝvitpantalono, la rekta fadenlinio situas sur la flanka linio de la konstru-rektangulo de la bazo. El tiu linio konstruiĝas ambaŭ pantalonkuroj.
En la dupartaj ŝvitpantalono, la rekta fadenlinio estas lokita en la centro de la rektangulo de la antaŭa peco. La rekta fadenlinio de la malantaŭa peco havas ekzakte la saman lokon. Tiel, la antaŭa kaj malantaŭa pantalonkuroj konstruiĝas ambaŭflanke de siaj respektivaj rektaj fadenlinioj.
Tiu aranĝo ebligas klare distingi la malsuprajn partojn de la kruro, de la genuo ĝis la maleolo. En la antaŭa peco, la pantalonkuroj preskaŭ nur kovras la antaǔkruran zonon, dum la malantaŭa peco devas ĉirkaŭi la tutan suron, kiu estas multe pli volumena. Pro tio, en ĉi tiu tipo de ŝablono, la malantaŭa pantalonkuro ĉiam estas pli larĝa ol la antaŭa.
Tiu konstruo klare diferencigas la flankajn kudrojn de la antaŭo kaj de la malantaŭo. Dum la malantaŭa linio restas tute rekta, la antaŭa linio rompiĝas ĉe la interkruro.
La ĉeesto de flanka kudro ankaŭ ebligas enmeti, en modelojn derivitajn de ĉi tiu ŝablono, ne nur almetitajn aŭ klapajn poŝojn, sed ankaŭ oblikvajn poŝojn kaj poŝojn en kudro.
La pli granda volumeno de la gluteoj, situanta ĉe la malantaŭa kokso kaj klare pli granda ol tiu de la antaŭa kokso, ne estas konsiderata en ĉi tiu ŝablono. Tio ŝuldiĝas kaj al la uzataj materialoj kaj al la talia fermosistemo per elasta bendo aŭ ŝnureto.
Graveco de ĉi tiu bazo
Kvankam ĉi tiu bazo ne strikte sekvas la anatomian strukturon de la kruro, ĝi estas plene valida kaj vaste uzata ŝablono.
Multaj neformalaj pantalonoj, bermudoj kaj mallongaj pantalonoj estas evoluigitaj surbaze de ĉi tiu ŝablono, kio igas ĝin fundamenta bazo por neformalaj kaj sportaj vestoj.